黑仔～～對於我來講，慣左都無咩，只要有健康、生命，點黑法，我又無所謂，因為美好既事，唔會一件都無 ^o^ 生命有起有跌先係一套精彩既電影。

講下 d 幸運野先～～
上星期五／四，放工後，打電話俾個四五年無見，今年先回港既朋友，想約佢去南華會打 Snooker，同埋聚舊～朋友唔得閒～之後又打俾另一個間中會約出來打 Snooker 既朋友 D，佢又話唔得閒。無野做，唯有一個人去練下～～點知未去到，就有另一個 Snooker 前輩 T 打電話來問我去唔去打 Snooker，YEAH~~So lucky，有人同我去打 snooker（打 snooker 既人係呢個世界真係唔多），又有好對手。對住呢個前輩，我係預左輪成場，點之好好彩地 WIN 左一場，果場我記得最後四個 COLOR：４＋５＋６＋７（起Q 22分）一次入晒～～至今，係我人生起 Q 最高分既一次（希望係暫時，唔係永遠），開心到死～～不過最後兩球係 LUCKY -.-" 。ANYWAY，it's my lucky day~~　^o^ yeah~~

講返個水貨 iPHone，我買完第二日，
http://it.people.com.cn/BIG5/6443982.html　10月28日消息，蘋果公司不再接受iPhone購買者的現金，而且限制每人隻能購買2部，此舉是為了阻止人們倒賣iPhone。
蘋果 d product 好到，要限制人地買～～當然仲有其他法律、商業技術原因～～ btw，遲 d 水貨應該會升價～i am so lucky again。
PS: iPhone disavantage: not support 3G, no copy and paste ~ but the advantage: good design + multi-touch + auto-detect horizontal or vertical can cover all disadvanage already ^.^。 I think Apple is ready for another product without disadv. everything is under control of Apple, sale/marketing strategy~~

2007-10-27 (SAT) 本來約左 Keroro、Janet 同埋佢地 d 360 staff friends, 去 On Ping 行山, 跟住買左 $30 day pass 任搭車周圍覯光大嶼山 (行山計劃後的第一站係:大澳),...由於星期五晚同 JF 去左 MK 買iPhone (之前叫左人係 US 買～最後衰左), 跟住傾野, 一傾就傾到十二點幾先返屋企,之後又試 iPhone, 試下試下...唔經唔覺都己經三點幾, 跟住去訓。第日朝, 活動搞手打來 morning call - SAT 上午 7:00~~因為 8:30 要準時係東涌MTR等,所以 7:00 係好正常。7:00~~唔夠瞓, 頂唔順, 我要求要瞓多陣....跟住set alarm 瞓底 20 mins...起身....頂唔順~~真係要做一次飛機王~~唯有打返佢搞手申請成為行山飛機王~~ -.-" 家下見襯佢地都己經被 called "飛機王"....真係無計~唔想行行下山瞓底 (~.~)"...本來目標:十二點前瞓~~睇來又再留意下點實行~~我唔想做飛機王呀~~(突然醒起有次約左另一 d 朋友下午去 BEACH,果次我上午係灣仔影完相,落雨,我無帶傘,結果我打去話去唔到,佢地話沙灘好好天氣 -.-" 果次算唔算放飛機呢...如果計的話, 兩次啦 =.=" )

對唔住呀~~下次會早 d 瞓, no more aeroplane la~~



2007-10-28 (SUN) 原來計劃好既 Wakeboard 因為船家話佢駕艇 CRASH 左，所以叫我地唔洗去～
星期日 Judo 幫我考帶練習既耀仔又要返工，(-.-)" ...個天唔仲意我．．．唔通連駕船都唔仲意我？


2007-10-30 (Tue)
係屋企用 External Hardisk~~突然俾電電襯，雖然無咩事（除左個 10G 舊 HD 有少少"Long"味)，我係度諗：如果我就咁電死左～我一定好唔甘心（我向來都怕死，我想長生架，好貪心 ^.^）；同埋我又諗：如果預知自己就死，我會做點咩呢？結論就係：無論死唔死，都應該珍惜每一刻，珍惜朋友、家人。與此同時，我又想起一個腦筋轉數好快既朋友（但有時又唔知係扮傻定真傻既單純人 ^.^），自我第一次同佢講過電話，就感受到佢果種：唔怕死，似乎對死亡無所謂，對生命無留戀既感覺～好想再同佢傾呢個問題，但總搵唔到好時機～同埋又唔知點開始呢個 conversation~~

2007-10-31 (Wed)
一早起身．．．唔係好舒服，再休息多陣，到差唔多九點時，都仲係唔舒服，雖然應該可以返到工，但請左假：
第一：唔想遲到，第二：為工作影響健康，我會覺得好唔值～～生命、健康應該比其他野重要～～

感受到有少少霉氣～～莫非又要變身成為傳說中既黑仔傑？（下一篇再探討呢個問題）

上頭俾左個難題，大家又忙，搞到無人敢掂個問題，結果請左我來接手呢單野，今次會唔會 Lai 野呢？

Problem Definition:
eg. User A login L System 之後，想睇到自己果 d Report，內里有 User A 既保密 DATA，所以唔想其他人睇到。跟住有人提出一個絕情既問題 - 『如果 User B 偷睇到 User A 既 L System login名 + 密碼<password1>，跟住 Login 入去，咪睇到佢 d  保密  DATA 囉?』

為左解決呢個問題：
首先有人建議用 PDF 作為 Report Format，係我來之前己經決定左；
亦都希望呢個 PDF 係要有 Password Protection (Password 來源於 User 係 L System SET 既另一個密碼<password2>)；
呢個保密  DATA 係 Monlthy Report only keep 三個月，ie. User 只能睇到過往三個月；

另外：上頭希望新既 Solution 係唔洗另外花錢。


至於 Real Time VS Batch Job：

各人睇法大致如下：
Adv:  唔 KEEP DATA 係 SERVER，夠 SECURE，
DisAdv-1: 『如 User B 偷睇到 User A 既 L System login名 + 密碼，跟住 Login 入去，咪睇到佢 d  保密  DATA 囉?』
我提出一點無咩力既問題：咁 User B 偷睇到 <password1> + <password2> 結果咪一樣．．．當然，偷睇兩個比一個難，我都明。
我提另一點：如果咁樣，係 Generate Report 既時候要求 User A 入密碼咪得囉。
跟住有人話：怕慢；跟住我又提出另一個建議：如果 DATA KEEP 住係一個有 INDEX 既 TABLE，就幾有幾十萬 Record，用 Crystal Report 去 GEN 應該都係好快。回應係：BOSS 話要免費，CRYSTAL REPORT 要 $$$。
跟住出現一段估：話說之前有同事用 VB + Acrobat Distiller 既 Library，同時 CREATE 幾個 Instances，部 SERVER 就死左啦．．．記住：只係幾個～～，咁樣佢地驚萬一 ONLINE 同時有五個人一齊睇（注：用家有幾萬個）．．．睇咪大鑊～～加埋 SERVER FARM Enviroment，一部 SERVER 幾個 SYSTEM 一齊行，萬一幾個 INSTANCES 整死埋人地既 SYSTEM，到時實俾人吵～～所以最後都係建議：用一個 INSTANCE - BATCH JOB 一次過 GEN 定幾萬份，一個月 GEN 一次，Report with password protection，User 要先 PASS 返條 LINK 俾 USER；同埋想有一部 STANDALONE 既 SERVER，怕整死人地 SYSTEM，咩唔起隻鑊。

個人經驗來講：
Crystal Report 應該唔會點死，就算係最 CHEAP 既 .NET CR，都應該唔會點死法，
Crystal Report for SERVER 既 LIC. 的確好貴，但跟 .NET 果個 BUNDLE，好似係唔洗 $$$：
Reference:
http://www.businessobjects.com/products/reporting/crystalreports/net/licensing.asp
Integrate Reporting into Server or Web Applications
Although you may deploy your applications using the component, it is best suited for an internal pilot within a workgroup. If you exceed the throughput limitations, the component will throw an exception error (this case does not apply to Visual Studio 2005 users). Learn more about how to scale your application....To increase scalability to meet your production requirements, upgrade to Crystal Reports XI Developer Edition or Crystal Reports Server XI.
跟據呢 PART，我用 COMPONENT Deploy (CR Client Bundle) 應該係唔洗 $$$，但有 throughput limitations（我估應該都夠用），所以 CR 先建議人地 BUY CR XI to increase scalability。
似乎呢個係一個可行既 Solution，但我又未肯定係唔係唔洗錢；再唔係就要搵部 SERVER FARM 有 CR Server Lic 既 SERVER 一齊行 SYSTEM，咁就唔洗再買 LIC.，但我相信大家都仲係驚會整死方既 SYSTEM 應該唔會支持呢個方案。

Solution for BATCH：一係用 .NET CR，以 COMPONENT 方法 gen. report，（注：CR 係無 password protection for PDF）；一係就用 VB + Distiller DDL gen. Report （注：都係無 Password Protection）.

Solution for Online：用 .NET CR Online 方法 gen. report(either web/pdf) return to User (呢個方法好，password 亦可以係 gen. report 前拿定，咪就 EVERYTHING ALRIGHT 囉 ^.^)。
但大家似乎一開始考慮左 PDF + Password Protection，對呢個新 Solution 好疑惑．．．

另一樣野，關於 Password Protection on PDF，首先多謝兄弟姐妹們幫忙，俾左關於 3rd Party，Adobe，iText 之類既 Solution 我，最後我決定先試 iText / iTextSharp 先。
因為：3rd Party，Adobe 既 Library Solution 都係要 $$$，所以放係最後。
而 iText 係用 JAVA，iTextSharp 係用 cSharp，我以 iText 優先，
因為如果用 iTextSharp，Server 即係要 Install/Config .NET Component，咁不如直接用 Online Solution，並且 iText 早過 iTextSharp，應該相對係 Stable d。


所以我暫時都係先搞掂 BATCH Solution 先 + 用 iText 做 Password Protection。
有時間先再試 .NET 個 Online Solution ~~

有好多野未解決，未有 SOLUTION~~
但 ROLL OUT 己決定左係 DEC。
例如：
Mainframe 度 COPY DATA 落 DATABASE TABLE，
TABLE DEFINITION 都未有 -.-"，
例如 Interface 想點樣，
例如 新既 Server 又未有，所以未能向 IS TEAM 申請一張 IIS CERT for SSL。
又例如 Technical Solution 點 GEN Report 都仲未試好 "FEASIBILTY" + "LOADING" TEST。

YoYo...半年前己想來，後來來不成；這次為了在北角的一個佛教聚會，下定決心一定要來；
她本是跟她台灣男朋友一齊來，後來她男朋友去了台灣，之後因為她男友說沒空來，又吵了場大架～～就 -.-"
有佛綠，但卻沒了一段剛開始的愛情。我只能跟她說：惜綠呀，綠份來得不易，勸這小女孩回上海再想想。

看朋友這麼不開心，只好盡力做個好客的香港人，做一個臨時導遊。

跟她去了尖沙咀～

 
在中環碼頭那邊搭『無頂』的巴士到山頂～～
很久沒過見沒頂的巴士了，i love it~~

十幾廿十年沒上去過山頂了 -.-"
其實我是個不合格的導遊。




 
上山頂途中認識的一個南韓女子，

她的英文我聽得懂～但她的韓文我就 -.-"

還有她手上的韓文書 -.-"...我沒有一個字懂～～

但看大長今～～有部份字我懂的（注：中韓一樣那些）～～






在山頂時，朋友來電談起近況，一不小心談太久了，
把 YoYo 悶死掉，她偷拍我 -.-" 。

去了山頂的最頂層，我發現．．．我真的是畏高 >.<"...




仲有星光大道，女人街，廟街，電車遊香港，摩仙嶺．．．商場。
原來茶餐廳對上海人來講係一種特色，同埋香港化妝品、護膚品平過內地好多。

一年都無去咁多街，一次過去左咁多，呢個黃金周真係忙死人啦 A_A。
btw, 同朋友見面係一件開心事，今次一見，睇怕十年廿年內都無咩機會再見。
只能講聲：朋友，無論在事界何處，我們仍是好同事，好朋友，保重。
And GOO LUCK，佛 Bless You ^.^ ~~

2007-10-14 SUN
Jackie....向來運動細胞比我差好多,不過學識多我好多~~

本來以為運動佢呢世應該好難超越我，
點知，佢由開頭轉我四十幾度（注：佢不停躂Q，入白波）玩到唔想再計分～～
早後打成平手咁濟～

以一個打左一年幾 vs 一個新手～～
一個新手四個鐘有咁既成績．．．．睇來我收得囉～～Jackie 只要練下，我睇怕好快會輸俾佢。

我好想入佢間公司做呀～～
佢間公司好似話有好多唔同國藉既 MPil or PHD 人係果度做習實生。
大家都係同年入 BU 同一 Dept，同年畢業，
佢可以做到呢個 Research Department 既其中一個要員，
佢話係好彩，我就認為唔係，識佢咁多年，佢能力係點，我又點會唔知呢。

UK~~好想去呀～～
如果無得去工作，一生起碼要 PLAN 一次，去 TRIP + Driving 遊 UK~~

之後去左 Wan Chai 188, 睇 Wii ~ HK$2500, 日版(舊 Version先改到), 改埋機, 2 SETs of Control~
佢話呢一兩星期假買完、玩完留係香港唔會帶返 UK。我估佢主要係想買俾佢阿妹玩多於自己想玩。
Wii this $$$ seems good~~但自己無咩時間玩，所以唔考慮囉。
之前連 PS2 俾左大佬之後，就好少玩 Games，之後又點左 NDS 又好少玩，除左 Warcraft - dota 平時好少玩其他野囉。

話時話，前幾日約左 HKSS 想話打返場 dota，開頭我同另一個 teammate 拿左人地 FB 同 2nd Blood，跟住 ufo disconnect 左 -.-"...so shit...又未夠之前 agree 既十分 SAVE 一次，唯有重頭玩，而兩 TEAM 又話重 PICK Hero, 重新研究 Strategy，之後都只係各改左一個 Hero，跟住又打，打左無耐就 SAVE 一次，無耐又 SAVE 一次，有人 disconnect 就 LOAD SAVE 再續繼，如是者～～打左兩個鐘，隻 GAME 都只係 00:30:00 度，跟住再 Disconnect，大家就無心機再打落去～～跟住就散水囉～～


2007-10-16 Tue
幾個 frd 出來預祝 Karen 生日，去左鵝頸穚底既穚底辣蟹，去錯左上次同蕉佢地去果間(原來附近有四間)，搵左好耐 A_A。食完去左 MacCafe 坐，傾左好多人不同既話題，睇來又學左 d 野 ^.^。或者其實我本來就識，只不過放下好多年，唔記得左。btw, Karen 好耐之前面對兩份工：一份高職位，高人工；另一份，低職位，低人工；佢最後 choose 左低人工果份，佢有佢理由(Learn basic from LOW, do good in HIGH)，當然支持佢啦。

人生其中一個痛苦既事就係要請討厭既人食飯~但唔請又唔得~~
請朋友食飯，個心係會好舒服果隻（如果全部稱得上朋友既都要請晒，都係無可能既事，咁～破產都似，但近在咫尺既工作朋友在所難免），但請 PK 食飯～～果重感覺真係幾辛苦～
記得有次有個同事，叫我拿介紹費出來請 TEA，我即刻話：我唔會要介紹費，全數都會去返你度，放心，要請你自己請。以前試過前人食 TEA 係聯誼作用，後來發覺 BAD TEA CULTURE~~就唔再請囉～～


本來話明我係『離職，搵過份工，而且份新工 Contract 只係到三月尾』，所以唔會請食飯，後來有 d 富貴人家起烘，我為免麻煩（日後工作地點都只係樓下幾層），日日搭 LIFT 都會撞到，咪決定跟返上次同 Grade 人請食飯既指標，俾筆數出來，佢地自己搞掂佢。點知咁都不止，今日 LAST DAY 多左樣新花式：少數既幾個賤人話：叫埋大家夾埋請我一個食飯，要我請返佢地食 離職 TEA or 散水餅，講講下又話要去邊度食好野，又話呢樣，又話果樣，有幾個善心既同事話美心唔好，東海堂好 d 費事又有人吵話唔好食，西餅夠啦，仲要請食晚飯，個散水 TEA 一係唔洗請， or at least 唔好太貴，搞左一輪．．．最後話：『當然要請食散水 TEA 仲一要請埋升職晚飯．．．．同埋要叫『仙跡岩』，總之就係要貴，好唔好食唔緊要，西餅 d 人唔一定仲意食，仙跡岩自己仲意食咪就叫咪啦。』<-（呢種想法既唔止一個，附和既人，有 d 係純粹吹水，有 d 係想拿著數，有 d 係附和某 d 人）～錢唔係令我激氣既地方，而係 d 賤人全部都係用 PAT PAT 去思考，咁樣講野合理嗎？咁既要求合理嗎？～～唉，最後費時煩，答應左算，叫 d 人唔好再煩，因為我會係請食飯度控制返個 COST，到時 d 人就無資／人格再話 d 野唔夠貴，唔夠好食，總之呢一刻唔想再煩。


如果係朋友　或者　有人格(eg.M 先生，我當佢講笑)既人　或者　平時有心請人食野既人　講，我覺得無所謂，但當出自：一 d 平時升 Point 加人工，有 BONUS，又唔肯請食少少野既人，一見有人請，就瘋狂叫貴野既賤人．．．總得有種『不合理、不平等』既不憤。


平時我做事，絕不屈人，同事要幫忙，合埋就一定會幫。
本以為以誠侍人、以理辨事，就可。
豈料，賤人、笨人既世界，只講關係，不講道理，只係想拿別人便宜，自己再富貴也要守住一分一毫。
老實講，辨事能力差唔緊要，我唔介意做埋你果份，但唔好同我玩野，唔好背後中傷我（正面我絕對無所謂），唔好係我未同意之下幫你咩埋隻鑊，唔好屈我～～～總之：唔好背離『忠義』二字就好。
或許我對別人要求太高，但起碼我對自己要求也不止於此。


係一個 STUPID CULTURE 既地方工作左四年幾，但本人能力有限，始終改變唔到某 d 人既人格，唔止改唔到，仲有傳染開去既跡象～～唉．．．原因好簡單，只要從 How to Create a Goood Corporate Culture 既角度去思考，就會知。雖然真係有好好既同事，但係未能改變呢個 Culture 情況下，留下只會令我近年時不時的胃痛發作得更密。我知 M 坐的位置、胃也有點不舒服，又不敢出聲，我總得不溝通會有很大問題，所以跟聖上提出 M 坐我位置，可惜聖旨到，將在外，軍令有所不從。


多謝 T 給我的一個阿 Q 精神（錢可以解決到問題，就唔係問題．．．就當用錢買起人地既人格囉．．．）同埋其他你想提出既野～大致我都明，亦都好同意你講我既缺點 ^.^ 多謝晒。是敵是友，我係用心去了解。
有d人仲意係人面前講好多似是好話既癈話，我亦會領略到背後真正既目的，放心，我暫時只是情緒控制未能做到最好，但心中的眼還是雪亮的。


我在 msn 放句『準確的講：我係離職，搵過份工，唔係升職 ～～呢樣背後既分別好緊要～』。
離職原因有很多，升職可以話係順便。
離職係我幾個月前己經 PLAN 定既，所以我不認為是升職問題，
原來，我發現好多朋友，工作上既發展越來越好，他們薪俸，升遷，每樣都比我好；但我回想何以留於此呢？
可以說貪圖安逸，不想像朋友那樣經常要 OT ，把人生都放在工作上吧。
我明白 No Pain No Gain 的意思，所以這幾年升遷總是比別人慢。以前，別人畢業後入職就是 P，我大學畢業後卻從 TJO (當時月薪 6K-7K)，慢慢地變為 JP -> 再變為 P。每次夠年資時，我從沒要求升職，只是一直等、等、等，遲遲地等，過了一年半載，就升了，但每次我都不太敢跟一些發展得好的朋友說，我不知朋友會否又跟我說：『一早講你轉工又不轉，再做下去，有人沒續約，你會很難在外找工的。』
有人說我是有成績、學識的 LEADER，，不應貪圖安逸，但我想說：『或許曾經是，但現在己不是了』～學校讀書的事，跟現實是有距離的，而且一切只是舊事。我現在只是一個英文不太好，對社會很多事不太知的一個 OUTDATED Person，要改變，需要一點時間，或許己沒能力改變了。
雖然我還沒找到生命的方向，但如果生命只有工作，我怕有一天會後悔。（如果從工作上找到人生意義另計）
我這種 Nano Potato 每次升為 Micro Potato，都有請全部同事們吃晚飯。其實我很不想這樣做，反而想集中一點『只請幾個好的同事食 d 好的既』，但無耐，咁做一定會很煩～我出身於窮等人家，又不可能請了再請，所以每次吃的這些都是政治式既飯，都唔會合乎富貴人家既口味，即發揮唔到聯誼既作用，又發揮唔到『開開心心食好野』既作用～～簡單來講：『都唔知做 muk』～～或許只是一種無意義既形式～

離職最大的原來可以說是要考慮長遠，朋友早就建議我要改變，不能貪圖安逸，但當有一天，我連安逸也失去的時候，我再也找不到不改變的借口了。

四年前，工作還剩下一大堆時，有些同事，沒續約，當時只剩下我(TJO) 再加 API 和 CSA，三個，另外有一兩個實習的學生幫忙。當時我承接了兩個 AP 的工作，還受命檢驗他們的 SOURCE 是否 UPDATE。當年一個 CSA還命一個 CITA 去檢驗兩個 CAP 有沒有拿左 d 咩先俾佢地走，CITA 知道佢想玩人，當然唔接受呢個授命。
在 CHECK Source 的過程，大都很正常，只發現找不一部份 SOURCE，有人又說要告這告那 -.-" 。當時我覺得無可能，第一我相信同事人格，第二無理由咁笨咁樣玩法，最後我找到了 SOURCE，原來有人把 I 的工作，搞錯了，以為是 L 的工作，一場誤會 -.-"。其實如果大家用信任、尊重既態度去辨事，跟本不用花時間在這種事上。
而當年的衝突，我剛好看到了很多很重要的情景。當年 SARs 過後，工作也很難找，工人階級的父母年老也還在工作，無形也給自己一點壓力，沒工作好像是罪惡 -.-"。在這情形下，API + CSA 有天叫我去房間內，先同我講：『．．你覺唔覺得佢地有 d 問題呀，佢地食散水飯時眼神都怪怪地．．』，有人又話『佢地都唔係做野既．．．又唔做野，又唔合作．．．所以老細唔續佢地』～～先講一堆先入為主既問題，再問我：『你覺得佢地點呀？』～～
如果係你～你會點做．．．
當時我真係好驚呢個問題～為左份工講大話，我會睇唔起自己；
但如果呢個問題係同續約 Interview 既問題，真話會如同一把利劍～～
我既答案係：『其實溝通係雙方面既，佢地又少出聲，可能大家有d誤會囉』。
～～當年就係咁避了這場人事鬥爭～～
其實我都沒講大話，溝通的確係要雙方面，有時更加係多方面。
至今，總結：兩個 CAP 以前的工一切正常，無咩特別，Comment，Exception 仲係度，無 DROP 過 DB，SOURCE UPDATED，哈哈～～～除左 PDA 最後個 Program，當事人最後寫 program 時， d text box，d label drag 完落去，無特別命名之外都無咩特別～～哈哈，起初我接手時，見到呢十幾個 Variable 名，有 d 想笑～～哈哈～～不過做左 PDA 無耐，就交左俾另一個新同事『超龍叔』，哈哈。不過眼住 d CODE 我見到人地既怒火，人地最後做野時，好明顯係好 ANGRY，人地唔出聲，係人地情緒控制得好，不過卻係 CODE 到俾我見到佢既十幾個怒火，哈哈～～Window Mobile 之火～
講返自己．．．我地由 TJO 做起既，唔知會唔會俾人既印象係『唔掂』先做 TJO 呢？
我唔排除有人咁笨，咁去 think，所以我都怕會做死一世 P -.-"。
再者，更怕既係續約問題，自己 TEAM 個 PROJECT 又聽聞 Budget 唔多，見過黑暗，又被公報私仇多次，背後中傷我，我亦鬧過人『唔好再針對我，你針對左我兩個月啦』，『．．．』，又被人多次暗示：唔續我約 under control，好EASY。我信，所以我怕。

以前試過聽完 Instruction ，我話咁安排唔得，因為．．．，解識左一輪．．．唔明，又唔聽人講．．．
結果，我同『超龍叔』最後跟 Instruction 辨事回來，聖上怪罪，原來鑊，我同『超龍叔』一早係戰場上己各自背上半隻，解釋己經無用。後來我地私下 AGREE 左一樣．．．d detail steps 點做，我地研決定，d 野做完，我做最後 Verification，亦即係 "Last Touch"，有事叫人同我講。

亦都試過有次同其他 TEAM 合作，有時有問題時，有人就想搵人咩鑊，又唔敢話要我咩，又話要我俾第二 TEAM 既人既名佢，我好火地話：『人地唔係唔合作，人地咁合作，俾 d 時間，會解決到問題架啦，俾個名你都無用解決唔到問題架啦』；我都知大家都有壓力，但我講既係事實，而且最後咪真係解決到啦，何必要為左鑊既問題，搞到日後搵第二 TEAM 人幫手都唔知點好，更何況隻鑊跟本就唔係人地度。

仲有好多好多好無謂既 STUPID THINGS~~講唔晒～～

我係一個願意咩鑊既人～～所以想試下去第二 TEAM，睇下人地隻鑊會係點既樣。鑊多多都唔，最緊要合理～～唔合理～～會激親我～


當然係呢 TEAM 做野，有好多好處，如果唔係我都唔會貪圖安逸左四年咁耐，其中一個就係 RELAX 既 CULTURE 問題，衣著我向來都唔係好識（可能色弱問題）有關，呢度日日都係便服日，（所以如果我去 BANK 做．．．有點阻力），VERY RELAX，大家做野可以一路野，一路吹水，特別係吹水龍，佢吹水都幾勁。另外 J 係一個有責任心、魄力、值得學習既人，亦好多謝佢俾機會我去做唔同既野，我做野有時太過心急，亦有唔小心，失憶既情況。其實呢個問題．．．人人都有．．．我做呢個工就好似做散工咁，有時要我用心去記住所有野真係有困難，因為今日記得，聽日唔續約，就己經無用囉～～呢個就係 CONTRACTOR 士氣既其中一個問題。不過失憶情況其實 TEAM 內人人，我認為我算係輕果個 ^.^，不過一樣雖要改進。係呢 TEAM 做野，有時係 OFFICE 研究問題，解決問題，總算給人生多一點意義，有少少的成功感；有時出 SITE Train 唔同既人，與唔同文化背景既人溝通，有難度得來很過癮，不同人你要用不同的字眼、表逹方式才能 EFFECTIVE 地傳意；有不同的硬件、較件要試；每天都有各式各樣的問題要面對，其實這 TEAM 算是不錯了。不過～～我想每個環境都有利有弊～～


人地 TEAM 請另一個高 d 既 POST，我呢 d 連續約都要擔心既 Nano Pototo 當然想試一試，難得人地話請，我當然係辭左呢份要日日擔憂既工，去另一 TEAM 試下啦，反正續唔續約 out of my control。

最大問題就係呢度：辭舊工，轉新工，一 d 令我要考慮轉工既人話到理所當然要我請食『升職』飯，另一個問題就係其他人附和，少數人反對。Culture 係大家認同既一 d 共識，如今共識


比我先行離職既一個同事就醒啦，死都唔肯講去邊度做，個 grade/title 係咩。
d 賤人想屈都無得屈～～原來呢 d 智慧都真係幾好～定係份工真係唔講得？


呢個世界有樣野我要學既就係：賤得來笑笑口，又可以完全控制到情緒，佢地一路屈人人路笑笑口，俾人鬧都係一樣笑笑口～～呢樣真係要學一學～～掌握 HK Island 所有 N 車的 J 可謂代表之一（呢個人都俾我話過佢浪費人力資源）。


不過話時話，另一個高級同事幾個月前升職，無人話要請食飯，我轉 TEAM，換 POST，
反而就有人屈要請食飯，係唔係我外表太善良？呢個絕對係一個美麗的誤會，我絕不善良，我由細到大都係『欺惡怕善』～呢個就係另一個唔公平既地方。
另外有個同事降職，個同事申請降職原因係低 d 既職位係 Internal Staff (非CONTRACT STAFF)，雖然人工又低 d，但相對 STABLE d，有 Benefits，我話講佢唔洗請都食升職，但有人堅稱降左既 POST 好好多．．．又講左好多唔合理既理由～～好煩，所以我也不多講了。而當事人申請這比原本薪金更低的職位也如他所願，他說無所謂，呢個同事很慷慨，但～『降』職卻要請村民們吃『升』職飯，這是何道理呢？不過當事人無所謂就算了～


老實說，人地無所謂，我有所謂：道理之為先，錢財其次。
我覺得人總有做錯事，意識錯誤既時候，但唔可以視而不見，錯就要改，咁先可以向前。
可能有人會覺得這關乎人格、文化的問題，事不關己，只是小事一件，但我只能說這是個人原則問題，人人 Personality 不同這是其中的一個大分水嶺。


讓我舉一個例子關於 Good Team Culture 既例子：
有一 Team，Team Leader 經常拿＄出來，請手下們吃飯，或都搞一些聯誼活動，那一 TEAM 每人都安心努力工作，每個手下都對 Team Leader 讚不絕口。Team Leader 要甚麼，手下們都會盡快弄給他。不過其實這 Team Leader 用的手段並非金錢，而是 良好的溝通 加上 尊重。因為他明白溝通是雙方面的、尊重也是。
其實這 Leader 不用花錢，也一樣可以做到，只不過他比一般人慷慨，用錢可以更容易的解決問題。
所以，有錢總比沒好，但錢唔係解決問題既要素，因為『有錢未必解決到問題；無錢亦都可以解決到問題』，重點是要其他方面配合。


Leader 其中一些要點是要知人善用，Create Good Culture，用錯了人，就如找了一個無能船長，為你掌舵、導航。知道既人，不敢上船；唔知既人，看運氣，風暴來了，小命就沒了。

前幾日睇到一篇關於 Walter Shipley 管理文化的事，他管理的是幾萬人的 CULTURE大事，我在想 Culture 在小 TEAM 里份量到底有多少～～所以有感而發。


Interview 最不適合既問題：你係度做，有沒人虾你呀。
問得呢個問題，就係話你知道有問題，但會容忍繼續發生，你期望人地答『無』。
問左只會深化問題，LEADER 絶不會做這事，他們只會向解決問題既方向出發：『欺惡』。


前幾日問人拿 Reference Letter，有人話：都無轉公司，唔洗啦。
唔知係唔係當事人怕煩，唔想整；定係莫非我要步前人之路，走都唔俾 Reference Letter ?
呢個 Reference Letter，我再諗一諗計先得～～


本文未經深思，所以諗到咩打咩，希望日後睇返今日今日心路歷程，到底係唔係今日我太小氣，太計較，以致有少少激氣～～仲有樣野叫 Perception，會唔會俾我 Percept 錯呢? 留侍他日檢討。

當晚去左 Sau Kei Wan 打桌球．．．心情不太好．．．表現很差，唔準。
技術未得、心理質素很差～～i am so shit~~

之後去左 MK JumpStation 同班 frd 玩．．．

本來另外約左一 d frd 同 HKSS 打返場 dota，點知我去到 US.West 時，UFO 己經 Level6，希望他日再戰。

開始覺得自己好煩～～唔打字囉～～呢個 blog 記錄至此，有比機再打過～