我呢個無化既人識左朋友 J N 年,佢有張『萬曆十五年』 既Ticket 多左,上星期打電話叫我同佢睇呢個 Dramma,我信得過朋友 J 既眼光所以跟答應左同佢睇,今日 2008-04-30 由 07:30-10:45 ~ 睇左一場幾特別, 唔錯既 Dramma ^.^~ 估唔到咁既場地、燈光都可以咁賣座，的確有佢非常好既特別之處。

一開始，見文化中心 d Chair 細張、又密集，行又行唔過，坐又唔舒服，都唔明張 Ticket 特價左都要二百幾，咁都有人買，ｄ燈光未開始都估到唔會有好多變化，個場地一睇都知好大局限性，服裝就無知之數、故事我又唔知（無 Preview 過，同埋我呢個無咩文化既人又點會識呢 -.-"）、表演者會唔會有咩特別表演又唔知、演員唱功如何．．．等等都係一概不知．．．．一開場仲差 d 俾 d 慢到唔知係昆曲定咩既『趕慢歌演』悶死～
好在無耐就開始 Turn 去講估度，所有主角都係講估佬，語調、表情、記性、．．．各方面都非常了得～近乎完美～於是就好開左一場好精彩既表演。

我呢ｄ無咩文化既人，唔知原來有上下半場，而每場有個半鐘，而中途離場係唔可以入返，由於飲得太多水，睇到差唔多完上半場時想去 Toilet ，果陣先知原來離位就唔可以返埋位 -.-"... So Serious...我好想忍住睇埋...但真係頂唔順，唯有去左先 -.-"...好在．．．原來去完，係可以入返場，企係最後面睇埋，不過唔返得位 zhei。

睇完上半場，休息十鐘度。期間有ｄ觀眾開始傾計，ｄ人係度讚ｄ演員記性超好，可以將原著一字不漏搬晒出來，而且演譯得非常生動，有人就話：原著己經係寫得太好；有人原來來睇第二次；有人買左 Ticket 就即刻趕去睇原著先來睇；有人話：睇左原著再來睇咪無新鮮感囉，另一個又話：唔睇原著追唔切內容；我就覺故事好簡單，都係建基於一個好簡單既中心思心：禮～而且係愚禮。

之後繼續睇埋下半場。呢三個鐘既歷史話劇，我竟然無 hub 過眼訓 ^.^~
演員既實力就係賣點，簡單、鮮明既人物就係 Script 的靈魂，其他野一點都唔重要；
正如人，很難有完美，我們可以追求完美，
但如果找到靈魂或者部份美好的，那己是很好很好 ^.^~ 懂得欣賞，己是一份快樂。

朋友同我講: 你睇多d 呢 d，增加下ｄ文化啦．．．（唔好成日打機）<我聽到呢句心聲>
我都明我文化較為低，除左玩電腦 Game ok... 其他真係麻麻 ~.~"... 不過性格好難改．．．
＜年紀都咁大囉 -.-".. 仲成日打機＞呢樣，我最近都煩左好耐．．．．因為如果戒左佢，我每日多 N 個鐘，一定可以學到好多野，做多好多野，不過呢樣野其實都學到 d 野，同 Train 到 d 野。就如運動，你都可以話係晒時間，但又可以由另一方面去睇：可以健康體魄，又可以練習心智、耐性等等～凡事都如雙刃刀，兩面睇。
我睇事越來越睇得開，但卻變左難以有突發性既大改變～
有時別人既提醒反而難以全面接納從而改變～是好是壞 >.<"...没人知~