August 27
2008-08-27
今日真係如昨日所感：感冒左 >.<"...
應該係琴日曬太陽，入夜時，無太陽時 hub 著左，冷襯 >.<" too bad...
加上胃痛未好．．．好辛苦～
Lunch 去CANTEEN食飯時，好 NICE 既收銀姐姐建議我食米粉，我好聽話地買左，真係好清，米粉加少少無油的菜，同埋有少少SALT + 湯，吃完又好似幾醒神 wor ~
星期一就感冒，幾時先到星期六日可以休息下呢 -.-"...唉～～
講返黑仔傑先．．．之前有個同事同我去 188 買 R4，店員講明 R4 己禁產，賣少見少，佢地有壞不換，1/F 右手果問既店員，試左俾我地睇，先俾交係我手，跟住我幫同事 PACK 好，點知同事拿左返去話 Install 左 Firewall，抄左 Game，咪都做晒，都係開唔到機 -.-"...到底係偷龍轉鳳，定係經我手一 Touch 就出事呢？定係其他原因呢？．．．？？
放工前，我打句 SELECT．．．KEY=．．． 係 DATABASE 拿資料，行左一句，SERVER 咁就 BYE BYE 左，好在係 DEV，唔係 PROD，放工前先來嚇一嚇我 >.<"...好在最後都 BOOT 得返。
BOOT 完之後都係決定聽日先繼續工作，於是拾野走佬，狀態唔好，唔去柔道，結果提前一日去家姐度，教小朋友做功課。
真係估唔到，我家姐個女小一，d 英文功課己經要COMPHRESION 加埋作文 >.<"，太得人驚啦。
EXAMPLE：佢要作三個 HINTS 俾人（3 Complete sentence），等人地估你 Mom/Dad 係咩職業。
結果我幫俾作左：1.)She takes care of me and my brother．．．謎底你當然估到啦～～
想起昨晚睇左一本耐之前路經元朗時，唔覺意買返來既書：
内容大約係講：想要開心，就要放下痛苦，同埋接受呢個世界係有不如意事，同埋珍惜眼前物。同時亦提到一點：『不要將小挫折，放大悲傷化』，．．．仲有好多對事情既多面睇法，都好值得思索～～
^_^ 總之對於黑仔～～我都無所謂，其實人生有好有壞，如果想開心度日，只能從心態著手...
依家寫係個 blog 度，唔係唔開心，只係當日記咁，想係 N 年後，有機會再睇返今日今日既思維，一定好特別 ^_^。
今日得知一位獨居公屋既慈祥老人家仙遊，想起了自己一個人住，有病痛時的慘狀，不知老人家當時是否行動不便，不能求助，以致 -.-" ？～～同時想起了其他事～～
August 24
20-08-2007 (MON)
我部 AMD ThunderBird 750 的超舊 PC (120G + 40G HD)，當埋 Server 咁用，我個 FORUM 放左係果度，我 d 相，又係放左係果度，我 d eBook，Music，Reference，Softwares，．．．．好多好多野都放左係度，呢晚，120G HD 大叫救命，一開機係咁叫，．．．聽佢叫聲我都心知不妙，BOOT 極都 BOOT 唔起，唉～～
我想搵隻舊 120G Western Digit (No Matter Good or Bad)，試下換左個 HD BOARD，睇下救唔救得返，可惜，周圍問人都無。
唔知係邊度可以搵到我一年前既 BACKUP 呢？但今年既新 DATA 無晒 =.="。
唉 ~~ >.< ~~
22-08-2008 (TUE)
電腦重新 INSTALL 過，換左另一個舊 MB，另一個舊 CPU，又係 AMD，但今次係 1.1 G，快 d Install 返係想 Install 返俾 my dad 係 yahoo 玩中國象棋，同埋 my mom to browse website.
23-08-2008 (WED)
電腦 PLUG 去既其中一個插頭，有少少燒焦的味道，最後發現 EARTH WIRE 好似有少少 touch 左去 LIVE/NEUTRAL。
簡單來講：應該係少少 SHORT-CIRCUIT，我亦懷疑呢個係殺我 120G HD 既原兇。
24-08-2008 (THUR)
由上星期至今，個胃都唔係幾舒服，唔知係唔係『有壓力，未解決～～未解決～～未解決～～呢』，總之好唔舒服，呢日留係公司，做 SYSTEM TEST 做到七點幾，Dennis 打來話去筲箕灣道圍利打桌球，我七點零離開 OFFICE 去左 CANTEEN 食左個『黑魚丸河』，湯幾清甜，d 黑魚丸都唔錯，唔該得 Mill 間中會買來食啦。食完，由柴灣步行到筲箕灣道，行過龍，CALL 左 Dennis 兩次話搵唔到，最後佢帶我去圍利。打桌球有助舒緩壓力，又可以醫胃痛，我開波就好專心『充滿信心果隻』，同自己講：『一定要打好呢幾場波』。Dennis 一開波就話我『讓你廿度』，實力向來都係佢勁過我，我話『哦，好呀』。自信、專心，令我有超水準表現，Dennis 由讓廿度，變為十五，再變為十。
其中三場，唔計讓既分，佢都輸晒，其中有場打到 ６１：７，佢灰到即刻投降唔想打落去，不過最後一場，佢讓我十度，我如常地輸俾佢。
無計，以平均實力來講，我仲係未及得上佢，得閒要練習多 d 先可以正式打敗佢。
筲箕灣道圍利夜晩普通枱 $63/hr，算平，
灣仔白宮要 $68/hr，不過 AM session 就白宮就平 d。
而北角天龍就係兩者之間。
銅鑼灣南華會就 $60/hr，不分時段，所以夜晚去南華會最抵。
而場地（波枱之間既空間，棍，枱 + 環境）來講，南華會＞北角天龍＞灣仔白宮＞筲箕灣道圍利。
就煙味問題，南華會最正，無人食煙；北角天龍有 d，其他地方．．．SUCKS -.-"...波枱禁煙廿世，都仲係咁臭，次次去到，打到標眼水，見到食煙果 d 人，真係想請佢地食屎，食一口煙要食一擔屎，咁睇下佢地仲敢唔敢食煙，整到周圍環境咁污濁，又用 d 二手煙，去傷害別人健康。其實我都明佢地上左癮，好難戒，但咁做係犯法、傷害自己、傷害別人，請佢地食屎純粹係想像下，我其實想求下 d 食煙人仕，為己及人，戒左佢啦。
講起 SNOOKER，我要多謝曾經教過我既三個人，Man 哥 同埋 牙膏師傅，教左我 d 基本功：計分，點拿 Q，點企法，仲有阿金，教左點 TRAIN 自己，同埋俾左隻 DISC 我，多謝你地，只可惜我未有時間練習，無甚進步。仲有 Joey 都好似教左我少少，記得有次佢讓我四十度，我照樣輸左幾十度 >.<"。廿世無見過呢 d 高人，唔知佢地會唔會更上一層樓呢？
～～～時間越來越唔等洗～～影相，無咩時間去䏲，投資野又唔得閒深入研究，晒太陽、Windsurfing、Rowing、Sailing 都好耐無玩過。
想租架車來試下我個 1+2 MT Lic. 如何，都未得閒試，唉～.～書櫃上仲有千千萬萬既字呼喚著我，間房咁亂又拾極都未拾好，柔道考帶又遲遲未考．．．唉～～
今星期都幾煩，黑仔指數，十個最多，我有八個，主要係因為隻 120G Western Digit HD 飛左我 >.<。
不過只要仲生存係呢個世界，咩機會都有，幸運總會降臨，但降臨之前，要培養良好既實力、心態去面對，去把，去珍惜。
25-08-2008(SAT)
今日同事約左我去電腦節影下相，睇下 NEW PRODUCT，一如以往，預左無咩特別，無甚創新。
買左隻 OPTICAL MOUSE 作打機之用，返到屋企，至今仍未搵到好既 MOUSE PAD >.<"...
可能隻 MOUSE SENSOR 太屎，通常 d 人用 A4 紙就 VERY OK 啦，我試左好多唔同 COLOR 同埋質地既紙，同埋其他 PAD/板，差在 PAT PAT 未試埋，效果都仲係不太理想，打機 CURSOR 好難先去到一個準確點，要再努力搵個 PAD 俾隻新 MOUSE 先得。
呢日黑仔事第一單：
我同另一個同事，一人買一個 BELKIN 永久保用拖板 (HK$95 x 2)，一分六，可以防 SPIKE，兩個之中，我竟然拿左隻壞既返去（50%），又再一次證明我真係好黑仔，不過個天都算好架啦，唔係 100% 壞，我驚我 d 黑仔指數會累到朋友個拖板都壞埋 >.< 所以我知道之後，打左俾佢，叫佢 CHECK CHECK，好在佢果隻無事 ^.^。
講返我地去完電腦節，再去扒王之王既黑仔事二先：我同其中一個朋友，都叫左個西冷扒，我要六成，佢要七成，其他人 ORDER 其他野。WAITER 拿左個 6-7 成既俾個朋友，跟住俾左個磚我 -.-"，好難鋸，睇怕都有九成半至十成熟。食左少少之後，都係要麻煩 WAITER 幫一幫我，佢話：『有咩可以幫到你；唔熟，我地可以幫你整返熟 d；太熟，我地可以幫你"整返生 d"』。果然厲害，REVERSE ENGINEERING 都可以係扒王之王搵到，勁呀～～我無怪任何人，只能怪我自己黑仔，不過佢地 SERVICE 幾好，整左另一塊一半五成，一半六成既俾我。一個 LUNCH 係果度，總共花左個幾鐘 -.-"，唉～～。都唔知係唔係塊扒有 FACE DETECTION 技術，知道我想食佢，佢即刻變蕉，唔俾我食 -.-"...
食完，又有第三黑仔事件出現，中學同學打來話我知，佢地去緊石澳沙灘游水（我之前答應佢左 W 話去），點知，我食完時，見到窗外落雨，我又無帶傘，跟住打俾 d 朋友同佢地講落緊雨 wor，佢地話天氣非常好，叫我快 d 去 >.<。天呀，點解要咁 PLAY ME -.-" (雨只會跟住我落 -.-")～～。咁我只好繼續留係扒王之王～～呆坐～～等停雨～～本來著住涼靯、短褲，帶埋毛巾、書，去電腦節，就係想順便去沙灘晒太陽、睇書、RELAX 下～～最後得個吉 >.<．．．人地拖板無事，係我有事；人地既扒無事，我有事；人地無雨去到沙難，係我一個去唔到．．．唔同連個天都唔仲意我？ -.-"...
夜晚同 d 中學同學去 K，有幾個好 UPDATE 呀，我半年無聽歌囉，連 d 新歌係咩名，我都唔識。
K 完都十二點，佢地下場去飲野 >.<"...我唔飲得，所以都唔去囉，W 雖然之前胃痛，但佢都照去 -.-"，有 d 擔心佢，我想阻止佢去，但最後都係無，因為如果佢胃痛係心理因素，而飲野可以 RELAX 下，咁就無謂阻止佢囉。但如果有得簡，最好 PLAY SOMETHING CAN RELAX 但又唔傷身既，酒始終飲太多唔係咁好。
注：以業內人仕身份可免費進入，只要拿張卡片去登記處就可拿 PASS。
注2:今日知道左一樣野：R4 暫時無得再生產，以由 (兩個月前)$180 -> $260 (灣仔 188 最平之價的變化)
26-08-2008(SUN)
拿住琴日張 PASS 再入去，換拖板。
之後去 298 睇下 d Product Price。
Micro SD 價錢升左：(兩個月前) $140 (2G) -> $190
我相信 4G 係 2008 年內會低過 $250。
到時再買張 4G，我依家有 512 + 1G 都夠用住。
今日唔係幾舒服，都係唔去柔道練習住啦，唔夠精神，會易 d 受傷，同埋都易 d 整傷人，以免累人累己，休息下先。
>>blog 寫到呢度(Time Now 2007-08-26 14:32)，一陣食完 LUNCH，可能去晒下太陽，RELAX 下，吸多 d 太陽能量，人都精神 d ^_^。
2007-08-26 22:29
曬完太陽，胃仲係唔係咁舒服，仲有少少感冒既感覺 tim >.<"...
唉～～
2007-08-18 (SAT) 18:30
今日去左 MK 新世紀廣場，睇 FLYER，佢地的確好厲害，之後又睇左 BREAK DANCE，多謝 Keroro 今日通知我 ^_^ ，知道左即刻去影返幾張相。
四個來自法國既 FLYER，係無安全線既情況下表演（佢地平時都係無架啦．．．仲要係跳大廈）
2007-08-18 (SAT) 20:30
夜晚同個朋友去打南華會打桌球，點知發覺自己又屎左好多好多，第一場，自己失準，安全不在狀態，輸三十幾度。第二場，個朋友見我咁屎，讓我 20 度，自己打得唔好都唔係重點，重點係輸晒 CHANCE，球球成為助功王，幫人 SET 好紅波仲要 SET 埋 COLOR 波。一開波無耐，讓既 20 度無左，跟住越輸越多，我係度思考：到底自己係唔係真係唔適合再追求運動上既進步？到底自己係唔係所有野只有下降？而唔會再提升呢？以前運動細胞咁好，依家變到咁，係唔係要放棄呢，定係以前太過自信，搞到今時今日接受唔到失敗，定係自己定位太高，定係自己根本就無運動細胞，一直以來係自己係度發夢？越打越亂，桌球本來係一個可以令我心靜，同埋需要心靜先打得好既運動，點知越打越亂，越亂越打得屎。亂到第二局就完時，我終於控制到自己果種突而奇來既自悲心理，開始認清問題所在：1.)太耐無打，無經常練習，退步係好正常，我面前既對手都一樣退步左，佢拿多咁多份係因為我SET CHANCE 俾佢，所以我唔好再SET CHANCE 俾佢，佢應該無咁易拿分；2.)要打得好，必須今個心平靜下來；3.)自信既重要性，十幾年前我己經看得好清楚，何以今時今日變得自悲？十年前為自己改了『凱』、『傑』二字，當時還是深信自己會在往後生命里發光發亮；4.)我真正既對手只得一個，就係吳凱傑，我一定會戰勝自己。
第三場，一開始，感覺就是找到了自己，朋友讓我 20 度，我照接受，不過我己知道他讓唔讓佢都輸梗，『狀態』呢樣，我唔知有幾多人知，就好似籃球既三分波，我係有狀態既情況下，就算係半場射波，都會係一種好輕易，好順既感覺，結果，個朋友輸左四十幾度俾我。
第四場，我又開始唔專心，係度思考：打波如人生，有起有跌，有時 CHANCE 係 LUCKY，有時 CHANCE 係自己 SET，有時 CHANCE 來時，無實力都係拿唔到；面前既對手，自我第一日識佢，都已知佢勁過我，我 SET CHANCE 俾佢，以佢實力一定拿到，但佢 SET 返俾我，我就唔一定拿到，無自信，我就肯定拿唔到，但有自信卻可以連睇落好似無 CHANCE 既野都變為有可能。實力係一個問題，我要提升，但自信卻比實力更重要，失去自信，就算有實力，都同無無咩分別。第四場都我 WIN 左，但差距唔大。
最後一場（第五場），繼續思考人生：人生如戲，好多野輸贏無咩所謂，人生好多野要懂得知足同埋珍惜，特別係健康，近年外公接到好多電話打來話『某某』、『阿X』、『．．．』己仙遊，外公雖然仲行得，但講野都己經唔係咁講得清啦，行路越來越慢，唉～～～最近自己健康都唔係咁好，朋友又係，再之前，有 d 朋友年紀輕輕都仙遊了～前幾日，公司有位剛升到好高職位既人仕又『再』次向我暗示佢有『間接』令我續唔到約既能力啦（今次係以講笑性實暗示），其實唔洗佢講我都知，我仲記得當年佢點樣用計整走 d 『佢睇唔順眼』、工作態度認真又辨得事的同事『們』，搞到人地連 Reference Letter 都拿唔到就離開左公司，有時職位高低『只』在乎『政治手段』，同以前係學校既情況唔同左好多。唉～～算啦，我都唔理咁多囉，每個人有每個人既人生，每個人有每個人既辨事手法，我唔一定要學，或者呢個係成功人仕既做法都未定，只不過我暫時未能接受，暫時我都想遠離呢種政治，但如果有一日我要參與，可能我會做得更出色（自信話我知^.^）。今次俾人咁樣嚇一嚇，反而無上次咁驚，反而想起一句說話『塞翁失馬焉知非福，塞翁得馬焉知非禍』，得與失，好多時係雙刃刀，無左一份工，可能會有另一份更好既工，或者人生更好既際遇；當年搵到呢份工，亦同時令我失去搵其他好工既機會、動力。我既前程，我估一係2007年升職，一係就續約無望，年尾前要搵定工囉 ^.^yeah~~ 不過如果有得升，我又會點呢？公司內其實有好多唔錯既同事，離開會有 d 唔捨得-.- ANYWAY 工作只係人生既一小部份，認真做好自己要做既事，其他際遇都係唔諗咁多囉，諗得多唔開心會傷身呢～～
唔理囉，我依家要打好呢場波，唔係考慮前程既時候～～．．～～．．～～唉呀～～最後都係輸左幾分俾對手，無計，人地實力的確好過自己，得閒要勤力 d 練習、同埋要記住要有自信，咁下次 WIN 既機會就會大 d 囉。
好開心，真正既吳凱傑應該係返左來～～果種不怕失敗、肯面對、有自信既光芒，將會接受以前既失敗、錯誤，重新面對人生。
Tools 
